رسالة واحة القناوى شريف القناوى
رسالة
رسالة جاتنى شوفتها قلبى انقبض
فتحتها وقريت حروفها
حرف حرف وانا كلى الم
كانت رسالة اعتذار
قريتها تانى من البداية
حبيبى اسفة
بكتب ليك اخر جواب
بعتذر عن حبك اللى منحنى الحياة
بعتذر عن قلبك الطيب الولهان
علمتنى معنى الحب
علشان احب غيرك
قلبى هو اللى اختار
حبيبى اسفة
يمكن مش زيك
لكن الحكم حكم المال
الفقر والحب من يومهم اعداء
شعارتك واحلامك مجرد اوهام
انت عايش فى عالم الخيال
رسمت بالحب كل الحلول والافكار
حبيبى اسفة
انك حبيتنى
لكن طريقى مش هو الطريق
كل واحد فينا يدور على المكتوب
انسى حبى زى ما بكره هنساك
خلصت الرسالة وخلص معها الكلام
طويتها وفوق قلبى خبيتها
ومسحت دموعى ومشيت
من شارع لشارع فى الحياة
كل ما اقف افتح الرسالة
واقراها من تانى
مش هاقف لحد ما انساها
وجيبي يبقى مليان
مادام يشتري الحب واى انسان
واحة القناوى 2016
واحة القناوى
شريف القناوى
مرسلة بواسطة مجلة فضاء الفكر @ ديسمبر 05, 2025
0 تعليقات
0 تعليقات:
إرسال تعليق
الاشتراك في تعليقات الرسالة [Atom]
<< الصفحة الرئيسية