الكاتب والشاعر

عبدالواحد العاشور

( معذورة )

دهشني نظرة عيونك سحرني كحلها الجذاب

شبيها للقمرلاطل في وسط الليل مع نوره

أسمع دائما عنك يوصفونك ناس أقراب

يقولون انك لطيفة وجميلة حيل مستوره

أبحكي لك عن ألحاله كثيرة داخلي أسباب

وأصرح لك مابالقلب خفايه الحب وظهوره

كذا والله جلس حظي جمعني في أعز أحباب

وانا مسرور دام انك براحة حيل مسروره

أحب اذكرك في موقف أظنه باقي ماغاب

على بالي رغم الوقت مضى له سنين وشهوره

مواقف انتهت راحت لها معنى لها اسباب

لها في داخلي قيمة ثمينة بصوتك وصوره

وجودك قمة أفراحي وشعري في حضرتك ينساب

ترى والله لولاك ماخظت الشعر وبحوره