خلق فاضيه
العشم لو زاد يهين
وسط ناس ماليها قيمه
مالهمش ف التور الطحين
خلق فاضيه وناس لئيمه
...
ناس عينيهم عند جيبك
بيداروا عيبهم جوا عيبك
ووقت الجد أوام تسيبك
دول قلوبهم قلوب غشيمه
...
ناس تمامها كام جنيه
وناس تاكلها بالحلال
واللي معاه يتقاله بيه
ويتعمله كمان تمثال
...
ناس شاربه المر ف كاس
وناس بتحارب لأجل الكاس
وناس بتخلي خدودها مداس
تحت رجل ناس بهيمه
...
بقلم
نورهان كامل
مرسلة بواسطة active @ ديسمبر 06, 2025
0 تعليقات
0 تعليقات:
إرسال تعليق
الاشتراك في تعليقات الرسالة [Atom]
<< الصفحة الرئيسية