قرب رمضان بقلم د. ابراهيم القماش
قرب رمضان
قرب رمضان يلا نقابله
ونغني له ونطبل له
ونهلل كلنا ونقوله
فرحت قلوبنا والله زمان
اهلا رمضان اهلا رمضان
جايلنا ياعريس والفرح معاك
زينة وتفاريح الله يامحلاك
فوانيس بتبص من الشباك
بتغني لك اجمل الحان
أهلا رمضان اهلا رمضان
قربت ما بين . زينب وخلود
وصالحت فتحي علي محمود
واحمد عاد في البيت موجود
و جمعت الاهل مع الخلان
اهلا رمضان اهلا رمضان
شهر البركات ياما كلك خير
والرزق فيك بيزيد ووفير
وكل يوم بنلاقي تغير
سبحان المولي حنان منان
اهلا رمضان اهلا رمضان
الله عليك ياصلاة الزين
جمعت العيلة بنات وبنين
ع الطبلية مستنيين
اذان المغرب في دعا وقران
اهلا رمضان اهلا رمضان
كمان لك لذة في التروايح
بتمتع قلبنا ب التسابيح
مع صوت جميل عذب ومريح
والفجر ينادي اصحي ياغفلان
اهلا رمضان اهلا رمضان
شهر البركات ياما فيك نفاحات
بتتقل في ميزان الحسانات
صلا وقيام وقبول دعوات
وناس تفوز برضا وغفران
اهلا رمضان اهلا رمضان
فيك ليله وفيها الخير كله
خصها ربنا زادها بفضله
بلغنا يارب ليله قدره
واكتب لنا عتق فيها وغفران
اهلا رمضان اهلا رمضان
بالقلب يامسلم انوي وصوم
بلا تلفزيون بلا لعب ونوم
اغتنمه ياصاحبي بسرعة اوام
واختم كذا مرة في القران
اهلا رمضان اهلا رمضان
د. ابراهيم القماش
مرسلة بواسطة مجلة فضاء الفكر @ فبراير 22, 2025
0 تعليقات
0 تعليقات:
إرسال تعليق
الاشتراك في تعليقات الرسالة [Atom]
<< الصفحة الرئيسية